ВТБ 24 сервис центрĕ 2015 çулхи çу уйăхĕн 28-мĕшĕнче уçăлнă. Унтанпа çулталăк çеç иртнĕ пулин те, вăл çунат сарма ĕлкĕрнĕ. 1040 çын ĕç тупнă. Центр 2016-2017 çулсенче коллектива 1572 çын таран пысăклатма палăртать. Унта ĕнер Чăваш Ен Пуçлăхĕ Михаил Игнатьев пулса курчĕ.
Инвестици лару-тăрăвĕ татах лайăхланĕ
Çĕртме уйăхĕн 29-мĕшĕнче Чăваш Республикинче наркотиксемпе кĕрешекен комисси ларăвĕ иртрĕ. Ăна Чăваш Ен Пуçлăхĕ Михаил Игнатьев ертсе пычĕ.
Чăваш Ен Пуçлăхĕ Михаил Игнатьев ФАО Канашĕн РФ Президенчĕн федерацин Атăлçи округĕнчи полномочиллĕ представителĕ Михаил Бабич ертсе пыракан ларăвне хутшăннă. Лару Пермь хулинче иртнĕ.
Çĕртме уйăхĕн 26-27-мĕшĕсенче Мускавра «Единая Россия» партин XV съезчĕн иккĕмĕш тапхăрĕ иртнĕ. Унта Раççей Федерацийĕн çиччĕмĕш суйлаври Патшалăх Думин суйлавне пĕр мандатлă суйлав округĕсем тăрăх кандидатсем тăратнă, территори ушкăнĕсем тăрăх парти списокĕсене йĕркеленĕ, çавăн пекех партин суйлав умĕнхи программине çирĕплетнĕ.
Ĕнер Демьян Филиппович Семенова юлашки çула ăсатма обществăпа политика деятелĕсем, ентешĕсем, вăл пулăшнипе пурнăç çулĕ çине тухма пултарнă тата малашлăх сукмакне ăнтăлуллăн такăрлакан хаçатçăсем, çывăх тусĕ-юлташĕ хурлăхлă митинга пухăнчĕç.
Çуллахи шăрăх вăхăтра пирĕнтен нумайăшĕ шыва кĕрсе уçăлма тăрăшать. Çакнашкал кану тĕпрен илсен савăнăç кÿрет, тимлĕхпе асăрханулăха çухатсан вара инкек патне те илсе çитерме пултарать. Пĕве е юханшыв хĕрринчи кану хăрушсăр ирттĕр тесен чи малтан мĕн шута илмелли çинчен Чăваш Республикинчи пĕчĕк карапсен патшалăх тĕп инспекторĕ Герман Майков брифингра каласа кăтартрĕ.
Пĕтĕм Раççейри «Студентсен активĕ» конкурсăн «Çулталăк ректорĕ» номинацийĕнче И.Н.Ульянов ячĕллĕ Чăваш патшалăх университечĕн ректорĕ Андрей Александров çĕнтернĕ.
Çĕртмен 24-25-мĕшĕсенче Сыктывкарта «Йывăç тÿнтерекен-2016» Раççей чемпионачĕ иртнĕ. Чăваш Ен чысне Артем Шашков /«Стройавтохозяйство» ООО/, Сергей Субботин, Андрей Епифанов /«Лесной двор» ООО/, Андрей Веселицкий /«Стройавтохозяйство» ООО/ хÿтĕленĕ.
Чăваш Енри муниципалитет йĕркеленĕвĕсен пуçлăхĕсемпе вĕсене пăхăнса ĕçлекенсем хăйсен тĕрлĕ енлĕ пултарулăхĕпе паллаштарма тăххăрмĕш хут пĕрле пухăнчĕç. Кăçал — Куславкка районĕнчи Кармал ял çывăхĕнчи лапама.
Чăвашла верси
Русская версия
