Начарринче те лайăххине тупма пĕлет вăл. «Çапла пулмалла та пурнăçра», — ĕнентерет çавăнтах. Сăмахăм Красноармейски районĕн администрацийĕн пуçлăхĕ Александр Кузнецов çинчен.
Наци проекчĕсем республикăра ăнăçлă пурнăçланаççĕ теме хăнăхнă та — ку енĕпе самай пысăк çитменлĕхсем пурри пирки влаçсем уççăн каласса журналистсем те кĕтменччĕ пуль. Шăпах вĕсем тавра кĕçнерникун ЧР Пуçлăхĕ çумĕнчи стратеги аталанăвĕ тата проект ĕç-хĕлĕ енĕпе ĕçлекен канаш ларăвĕнче çивĕч калаçу пулчĕ.
Галина Никитина çынсем каланинчен çеç пĕлет: тÿпе янкăр кăвак, çуркунне тавралăх ешерет, кĕркунне ылтăн тум тăхăнать. Унсăр пуçне... çулталăкăн кашни вăхăчĕ уйрăм шăршăпа палăрать. Таврари илеме куçпа курайманшăн Галина ÿкĕнмест, чи кирли — ăна чунпа туять. Пурнăç парнеленĕ амăшĕпе ашшĕне, чи çывăх çынни вырăнĕнче пулнă аппăшне Эльзăна курса савăнма шăпа пÿрмен хĕре. Вăл суккăр çуралнă...