Красноармейски районĕнчи Яманак çыннисем чиркÿре кĕлĕ ирттерекен Александр аттене хисеплени калаçуранах палăрчĕ. Хăйĕн вырăнне чиркÿре тупиччен ялти шкулта ачасене физика, астрономи, географи, информатика вĕрентнĕ вăл. Пĕлÿ çуртĕнче 15 çул ĕçленĕ.
Муркашра çуралса ÿснĕ вăл. Вăтам шкул пĕтернĕ хыççăн каччă И.Н.Ульянов ячĕллĕ ЧПУра ăс пухнă. Педагог-психолог дипломне илсен тăван районĕнче культура тытăмĕнче тăрăшнă. Час-часах чиркĕве çÿренĕ. 2003 çулта Муркаш çыннисем ăна чиркÿ канашĕн председательне суйланă.