Archive - Çурла 2017 - Чăваш хĕрарăмĕ

“ХХ ĕмĕрте лакейсем çук”, — ача чухне çапла шÿтлеме юрататтăмăр. Сĕнтĕрвăрри районĕнчи Аксаринра пурăнакан Вячеслав Васильев вара çакна сăмахпа кăна мар, ĕçпе те хирĕçлет — паян та пур лакей. Сăмахне çирĕплетсе хайхи япалана кăтартать — пушмак хывма пулăшаканскерне вăл, историе лайăх пĕлекенскер, шăпах “Лакей” ят панă. Ĕлĕк пуянсем вараланчăк пушмакне хăйсем хывман иккен, вĕсен урисенчен хайхискерсене шăпах лакейсем — кил-тĕрĕшре пулăшакан тарçăсем — хывса илнĕ. Вячеслав шухăшласа кăларнă япала та — чăн-чăн лакей.

“Никам та генерал пулса çуралмасть” текен каларăш пур халăхра. Турă пани пурин те пур, чăн та, пĕри çар енĕпе ăнăçтарать, тепри юрлама-ташлама маттур, виççĕмĕшне суту-илÿре çитекен çук. Çапла вара, тăрăшсан, хăйĕн пултарулăхĕ енĕпе кашниех “генерала” çаврăнма пултарать.

Хаярлăх, ырă кăмăллăх енĕпе вара мĕнле-ши? Нивушлĕ пепке çут тĕнченех çапла тĕлĕнмелле хаяр та шелсĕр çуралать-ши? Юнрах çапла çырса хунă-ши? Е, пултарулăх пекех, çын хăйĕн чунĕнчи хаярлăха е ырăлăха хăех аталантарса-ÿстерсе пырать-ши?

Светлана Асамат — чăн-чăн чăваш хĕрарăмĕ. Çут çанталăк ăна тĕлĕнмелле ăшă кăмăл, анлă шухăшлав, тарăн ăс-тăн, вĕри туйăмпа çивĕч хĕрÿлĕх парнеленĕ.

* «Ентеш» — 20 çулта

* Чулхуласен савăнăçĕ

* Чăваш тумĕ — Китайра

Сарă ту облаçĕнчи Базарно-Карабулак районĕнчи Шняево ялĕ никĕсленнĕренпе — 325, Сарă ту облаçĕнчи чăваш наципе культура «Ентеш» автономийĕ йĕркеленнĕренпе 20 çул çитнине халалласа утă уйăхĕн вĕçĕнче регионта пысăк уяв иртнĕ.

Чулхулари йăхташăмăрсем чăваш наципе культура автономийĕн кил-çурчĕ çуккишĕн питех те пăшăрханатчĕç. Халĕ акă унăн ертÿçи Алина Артемьева савăнăçлă хыпар пĕлтерет.

Иркутск облаçĕнчи чăвашсем черетлĕ хутчен чикĕ леш енче пулнă савăнăçлă хыпар пĕлтереççĕ. Вĕсем Китайри Хулумбир хули çывăхĕнчи Хайлар провинцийĕнче иртнĕ Пĕтĕм тĕнчери эрешсемпе тумсен фестивалне хутшăннă.

АПШра иртнĕ лингвистсен конференцийĕнче Александр Савельев чăваш чĕлхин историйĕ çинчен тухса калаçнă. Çакăн хыççăн чăваш чĕлхин ăслăлăхри витĕмĕпе наци юхăмĕн ĕçĕ-хĕлĕ çинчен ăсчахран Idel.Реалии интернет кăларăм ыйтса пĕлнĕ.