Archive - 23 Кăрлач, 2014 - Тантăш

Шкул сакки çине ларнă-ларманах Диана Моисеевăн чунĕнче сăвă çырас туртăм вăраннă. Ăнсăртран мар пуль. Пиччĕшĕн Артемăн сăввисем тăтăшах «Тантăш» тата «Çĕрпÿ хыпарçи» хаçатсенче пичетленнĕ, хĕр ачан та тăванĕнчен юлас килмен. Пиччĕшĕ йăмăкне шухăша уçăмлăрах çырма вĕрентнĕ тата тĕрлĕ сĕнÿпе пулăшнă.

Кăçалхи пĕрремĕш бал - кадетсен уявĕ - кăрлачăн çирĕммĕшĕнче Ача-пăча пултарулăх керменĕнче иртрĕ. Ăна Культура çулталăкне халалланă. «Хĕллехи юмаха» республикăри кĕçĕн тата 5-7 классенчи кадетсем пуçтарăннă.

2013 çул вĕçĕнче Çĕрпÿ районĕнчи шкулсенче вĕренекен çамрăк çыравçăсен «Çавал» ентешлĕхĕ йĕркеленнĕренпе 20 çул çитнине халалланă «Çĕрпÿ енĕн паллă çыннисем» пултарулăх конкурсне ирттертĕмĕр. Шкул ачисене хамăр тăрăхри сумлă, хисеплĕ çынсен ырă та пархатарлă енĕсене курма, вĕсем çинчен тĕплĕнрех пĕлме хавхалантарас, çамрăк çыравçăсен ăсталăхĕпе пултарулăхне ÿс- терме пулăшас тĕллев лартрăмăр хамăр ума.

Вăрмар районĕнчи Энĕшпуç шкулĕн вун пĕрмĕш класĕнче вĕренекен Николай Васильев хăйĕн хĕресне амăшĕпе, Тĕнче ăмăртăвĕсенче çăмăл атлетикăра пĕрре мар çитĕнӳ тунă, хальхи вăхăтра Раççейри Чрезвычайлă лару-тăру министерствин Чăваш Енри Тĕп управленийĕнче вăй хуракан Светлана Захаровăпа чĕререн мăнаçланать.

Виççĕмĕш класри Анна Лалаян - вĕренÿ отличникĕ. Пур предмета та пĕр пек юратаканскер ÿссен тухтăр пуласшăн.

Кукамăшĕпе тата кукашшĕпе пурăнать вăл. Ашшĕпе амăшĕ Мускавра ĕçлесе кун кунлаççĕ.