Archive - 2017 - Тантăш

Эпĕ 10-мĕш класра вĕренетĕп. Кĕçнерникун çитессе чăтăмсăррăн кĕтетĕп, мĕншĕн тесен манăн юратнă хаçатăм пичетленсе тухать-çке! Почта ещĕкне почтальон «Тантăш» чиксе хăварнине курсанах чупса тухатăп, хаçата алла тытсан унти статьясемпе паллашма тытăнатăп. Мана ытларах «Çунатлă çамрăклăх» рубрика килĕшет. Хальхинче хамăн та çырмалли тупăнчĕ.

Ачасем мĕнле преступлени тăваççĕ тата уншăн мĕнле явап тыттараççĕ? Йăнăш çулçине тăн çамрăксем пирки ЧР ШĔМĕн çул çитменнисемпе ĕçлекен уйрăмĕн пуçлăхĕпе, полици полковникĕпе Наталья Чапуринăпа калаçăпăр.

Р е с п у б л и к ă р и вĕренÿ организацийĕсенчен 85 ача «Хĕвел» Çуллахи предпринимательство шкулне хутшăннă. Ку проект Чăваш Ен территорийĕнче пĕрремĕш хут пурнăçланать, «Эсĕ — предприниматель» программа пайĕ пулса тăрать.

Комсомольски районĕнчи Асанкасси шкулĕн ачисем спортра сахал мар çитĕнÿ тăваççĕ. Унсăр епле-ха? Вĕсен учителĕ — ЧР тава тивĕçлĕ вĕрентекенĕ Геннадий Петухов. Спортăн пур тĕсне те юратма хăнăхтарать вăл ачасене.

Административлă майпа миçе çултан тата мĕншĕн явап тыттараççĕ?

НИКОЛАЙ, 14 çулта

Республикăри олимп резервĕн 9-мĕш спорт шкулĕнче вĕренекен Арина Кошкина /тренерĕ Лариса Середкина/ Европăри çамрăксен Олимп фестивальне кайма хатĕрленет. Хĕре Раççейĕн пĕрлештернĕ командине йышăннă та ĕнтĕ.

* Тĕрĕс калаçма вĕрентеççĕ

* Таджикистан ялан чĕрере

Шупашкарти ачасен п у п л е в ĕ пăсăлнине тÿрлетес енĕпе ĕçлекен 2-мĕш садик кăçал 30 çул тултарчĕ. Çак тапхăрта унтан 1750 ытла ача вĕренсе тухнă. «Пуплев кăлтăкĕсене тÿрлетекен пĕртен-пĕр ача сачĕ пулнă май кунта Шупашкартан çеç мар, хула çывăхĕнчи ялсенчен те ачасем пурччĕ. Садик уçăлнă\çулсенче эрнере 6 кун талăкĕпех ĕçлеттĕмĕр. Хăш-пĕр ачана тунтикун килсе яратчĕç те шăматкунчченех пурăнтаратчĕç. Транспорт хальхи пек çÿремен вĕт. Каçхи няньă-сем пурччĕ. Кашни ушкăнра 6-7 ача çĕр каçатчĕ. 3 логопед Мускавра ятарлă курс вĕренсе килнĕччĕ.