Новости по теме

24 Çĕртме, 2020

Суйлав кампанийĕ пуçланчĕ

Паян Чăваш Республикин Тĕп суйлав комиссийĕ Чăваш Ен Пуçлăхĕн суйлавне хутшăнма хатĕрленекен пĕрремĕш кандидатăн Олег Николаевăн докуменчĕсене йышăнчĕ.

ЧР Пуçлăхĕн тивĕçĕсене вăхăтлăх пурнăçлакан Олег Николаев ку шайри суйлава пĕрремĕш хут хутшăнмасть пулин те пăшăрханнине, пăлханнине палăртрĕ. «Тепĕр енчен пăшăрханни лайăх та. Çак туйăм çынна вăй-хала çирĕплетме, шухăшсене пĕр тĕвве çыхма пулăшать. Эпĕ кирек епле ĕçе те тĕплĕ тума хăнăхнă, пысăк кăтартусемшĕн тăрăшатăп», — терĕ Олег Алексеевич.

23 Çĕртме, 2020

Канашра холодильниксем тӑвакан ҫӗнӗ производствӑна хута янӑ

Паян ЧР Пуçлăхĕн тивĕçĕсене вăхăтлăх пурнăçлакан Олег Николаев Канаш тăрăхĕнче пулчĕ. Чи малтан вăл Канаш хулинче çĕр айĕнче хунă пысăк давлениллĕ газ пăрăхĕсене ĕçе кĕртнине çирĕплетсе "кăвак çулăм" çутрĕ. Унтан индустри паркĕнче холодильниксем тăвакан çĕнĕ производствăна хута яма хутшăнчĕ.

23 Çĕртме, 2020

Сăнавçăсем сасăлава хатĕр

ЧО Общество палатинче ытларикун общество сăнавçисем Раççей Конституцине кĕртмелли улшăнусем тĕлĕшпе утă уйăхĕн 1-мĕшĕнче иртмелли сасăлава хутшăнма мĕнлне хатĕрленнине пресс-конференци ирттерсе пĕтĕмлетрĕç.

Палата председателĕ Алексей Судленков палăртнă тăрăх, сăнавçăсен корпусĕ сасăлава хатĕр ĕнтĕ. Ятарласа вĕрентнĕскерсен йышĕ пысăк — 7 пин çын ытла, вĕсем кашни суйлав участокĕнчех пулĕç, сасăлав уççăн та саккунлă иртнине сăнĕç.

23 Çĕртме, 2020

Çĕнĕ хоккей центрĕ уçăлчĕ

Çĕртмен 23-мĕшĕнче савăнăçлă лару-тăрура Шупашкарти Совет Союзĕн геройĕ А.В.Кочетов ячĕллĕ кадет корпусĕ çумĕнче регионти хоккей центрĕ уçăлчĕ. Вăл — «Демографи» наци проекчĕпе килĕшӳллĕн хута янă республикăри чи пысăк спорт объекчĕ. Пăр арени, 228 вырăнлăх трибуна, вĕрентӳ класĕсемпе тренажер залĕсем… Ҫамрăк хоккеистсем валли аталанмашкăн лайăх условисем пур.

23 Çĕртме, 2020

Кӑмпа ҫини те, ҫӗлен сӑхни те аптӑратать

Иртнӗ эрнере васкавлӑ пулӑшу бригади 7 пине яхӑн пациент патне ҫитнӗ. Вӗсенчен 2,5 пин ҫынна сывлав органӗсен чирӗсем нушалантарнӑ, 1,5 пин ҫын юн ҫаврӑнӑш тытӑмӗн чирӗсемпе аптӑранӑ. 112 пациентӑн инсульт, 17-шӗн инфаркт палӑрнӑ. 700 ҫын тӗрлӗрен майпа суранланнӑ, вӗсенчен 29-ӑшӗ ҫул ҫинче инкек тӳснӗ.

22 Çĕртме, 2020

Чăваш автономи облаçне туса хунăранпа 100 çул çитнĕ куна мĕнле паллă тăвăпăр?

Кĕтнĕ эпир çак куна. Çичĕ çул каялла Раççей Президенчĕ ятарлă хушу кăларсах хатĕрленме пуçланă. Çакнашкал самант ĕмĕрте пĕрре килет. Çавăнпа тĕплĕн, тĕрлĕ енлĕн хатĕрленме пуçланăччĕ. Пуш уйăхĕн 10-мĕшĕнче мероприятисен марафонĕ савăнăçлă лару-тăрура уçăлнăччĕ те. Пурнăçăн хăйĕн саккунĕсем, тем те сиксе тухма пултарать. Çапла пулчĕ те. Çавăнпа ĕç-пуçа çĕнĕлле йĕркелесе яма тиврĕ. Çĕртме уйăхĕн 24-мĕшне — Чăваш автономи облаçне туса хунăранпа 100 çул çитнĕ куна — мĕнле паллă тăвăпăр-ха?

22 Çĕртме, 2020

Чи лайăх выпускниксене онлайн мелпе саламларĕç

И.Н.Ульянов ячĕллĕ Чăваш патшалăх университетĕнче çулленех чи лайăх 100 выпускника палăртаççĕ. Кăçал мероприяти онлайн мелпе иртрĕ. Палăртмалла: йăлана кĕнĕ тăрăх, «Чи лайăх выпускник» ята лайăх паллăсемпе вĕреннисем, спортра, ăслăлăхра çитĕнÿ тунисем тивĕçеççĕ.

22 Çĕртме, 2020

Чечек хунă

Паян, çĕртме уйăхĕн 22-мĕшĕнче, пирĕн çĕршыв Астăвăмпа хурлану кунне паллă турĕ. Шăп та лăп çав кун, 79 çул каялла, çĕршывăмăр çине фашистсем тапăннă. Вăл кашни çемьене хурлăхпа çухату илсе килнĕ. Аслă вăрçăн суранĕ паян та пирчеймест.

Pages