Новости по теме

10 Çĕртме, 2021

"Атӑл ҫинчи республика" ӗҫе пуҫӑнчӗ

Паян И.Н. Ульянов ячĕллĕ ЧПУн культура керменĕнче «Атăл çинчи республика» çамрăксен культура форумĕ уçăлчĕ. Вӑл "Иртнине асра тытса пуласлӑх çинчен шухӑшла" социаллӑ проектпа килӗшӳллӗн пӗрремӗш хут иртет.

8 Çĕртме, 2021

Вӗсен ӗҫӗ йывӑрлӑхсене ҫӗнтерме пулӑшать

Паян И.Н.Ульянов ячĕллĕ Чăваш патшалăх университечĕн культура керменĕнче Социаллă пулăшу паракан сферăн ĕçченĕсем професси уявне паллă турĕç. Хăйсен ĕçне чунпа парăнса ĕçлекен, халăха кирлĕ вăхăтра пулăшу паракан социаллă ĕçченсене сумлă хăнасем саламларĕç.

7 Çĕртме, 2021

Пушарнăйсем тупăшнă

Çĕмĕрле районĕнче «Чи лайăх пушарнăй - 2021» Пĕтĕм Раççей конкурсĕн республика тапхăрĕ иртнĕ.

Ăмăртăва тĕрлĕ районта пушар хуралĕнче ĕçлекен 20 специалист хутшăннă.

Пĕрремĕш вырăна Етĕрне лесничествин ĕçченĕ Иван Иванов тивĕçнĕ. Шăмăршă лесничествинчи Владимир Чернов — иккĕмĕш, Марат Азизов — виççĕмĕш. Вĕсене дипломпа тата хаклă парнепе чысланă. Авăн уйăхĕн 7-9-мĕшĕсенче Мускав облаçĕнче ăмăртăвăн федераци тапхăрĕ иртĕ. Унта республика шайĕнчи çĕнтерӳçĕсем тупăшĕç.

7 Çĕртме, 2021

Шупашкарта чи вăйлă шахматçăсем тупăшĕç

Чăваш Енĕн тĕп хули Раççей шахмат чемпионачĕн Аслă лигине хатĕрленет.

Ăмăрту «Шупашкар Арена» пăр керменĕнче çĕртме уйăхĕн 26-мĕшĕнче пуçланĕ, утă уйăхĕн 5-мĕшĕнче вĕçленĕ. Вăл мĕнле иртессине йĕркелÿ комитечĕн ларăвĕнче сӳтсе явнă.

Раççей чемпионачĕн аслă лигин çĕнтерӳçисем Суперфинала хутшăнма пултарĕç. Ăмăртура 100 ытла спортсмен ăс-тăн вăйне виçĕ, вĕсен йышĕнче — çĕршывăн чи вăйлă гроссмейстерĕсем те.

7 Çĕртме, 2021

Сĕнтĕрвăрри районĕн ачи Питĕрте çĕнтернĕ

Пĕтĕм Раççейри ача-пăча пултарулăхĕн «Александр Невский кнеç — çар пуçĕ, политик, Çветтуй» конкурсăн пĕтĕмлетĕвĕ паллă.

Пултарулăх ăмăртăвне çĕршывăн 50 регионĕнчен 856 ача хутшăннă. Республика шайĕнчи 10 çĕнтерӳçĕн ĕçне Санкт-Петербургри культура комитетне ăсатнă. Сĕнтĕрвăрри районĕнчи ача-пăча искусство шкулне çӳрекен Максим Андреев «Живопиç» номинацире дипломант пулса тăнă. Вăл 16-18 çулсенчи çамрăк ӳнерçĕсемпе тупăшнă. Ăна конкурса хатĕрлекенĕ — Жанна Егорова преподаватель.

7 Çĕртме, 2021

Магаршак куравĕ уçăлнă

Чăваш ӳнер музейĕнче Елена Магаршакăн куравĕ ĕçлеме пуçланă.

Шупашкарта ӳнерçĕ 2017 çулта палăрма тытăннă. 1991 çулта ЧППУн ӳнерпе графика факультетĕнчен вĕренсе тухнăскер хăйне тӳрех кăтартма васкаман. 2019 çулта ăна Раççей пастелисчĕсен наци союзне йышăннă, 2020 çулта — Еврази ӳнер союзне.

7 Çĕртме, 2021

Урамра тÿлевсĕр кино кăтартĕç

Раççей кунĕ умĕн Шупашкарта Пĕтĕм Раççейри урам киновĕн фестивалĕ уçăлĕ.

Мероприятие Чăваш Енĕн тĕп хулинче йĕркелекенсем — «Чăвашкино» патшалăх киностудийĕ тата электрон документаци архивĕ. Авăн уйăхĕн 11-15-мĕшĕсенче Пĕтĕм тĕнчери урам киновĕн фестивальне хутшăнакан фильмсене 60 çĕршывра кăтартĕç.

7 Çĕртме, 2021

Ачасен канăвĕ пирки - телефонпа

Ывăл-хĕрне лагере сывлăха çирĕплетме вырнаçтаракан ашшĕ-амăшне тӳлевĕн пĕр пайне тавăрса параççĕ.

Кэшбэк пирки тĕплĕнрех пĕлес текенсем валли оперативлă пулăшу службин пĕрлехи номерĕ ĕçлет. 122 номерпе шăнкăравласа кэшбэка хăçан тата мĕнле, мĕн чухлĕ илме май пурине пĕлме тата ытти ыйтăва уçăмлатма пулать.

www.hypar.ru

Pages