Паян иртнĕ Министрсен Кабинечĕн ларăвĕнче тĕп калаçу пассажирсене илсе çÿрессине йĕркелесси тавра пулчĕ тени те йăнăш мар. Транспорт министрĕ Владимир Иванов пассажирсене тата багаж илсе çÿрессине планламалли документпа паллаштарчĕ.

Кăçалхи кăрлачăн 1-мĕшĕ тĕлне республикăри пассажирсене илсе çÿремелли маршрутсен шучĕ 336-па танлашнă. Çав шутра 102-шĕ — хуласен хушшинчисем, 234-шĕ — хула çумĕнчисем. Планламалли хайхи документ 2020 çулччен валли тесе хатĕрленĕскер.

Чĕмпĕр облаçĕнчи С.Т. Аксаков ячĕллĕ ачасемпе çамрăксен библиотекинче чăваш кĕнекин «Халăх мерченĕсем» уявне йĕркеленĕ. Ăна Аслă Вĕрентекенĕмĕр Иван Яковлев çуралнăранпа 170 çул çитнине халалланă.

Вăрнар районĕнчи Хорнсорти ял клубĕнче тăваттăмĕш çул ĕнтĕ «Хастарлăх» фитнес-клуб ĕçлет. Унта ача-пăча кăна мар, ватă çынсем те çÿреççĕ.

Паян Правительство çуртĕнче Чăваш Республикин Пуçлăхĕ çумĕнчи потребительсен прависене хÿтĕлес енĕпе ĕçлекен координаци канашĕн ларăвĕ иртрĕ.

Шупашкарти суд приставĕсем ÇÇХПИ ĕçченĕсемпе пĕрле Mercedes-Benz C200 хуçине тытса чарнă. Хĕрарăмăн çул çинчи йĕркене пăснă 150 штраф пуçтарăннă, 130 пин тенкĕ парăма кĕнĕ.

Çурхи кунсем тапранчĕç кăна-ха, шыв-шур вара инкек кăтартма пуçларĕ те. Паян каллех хурлăхлă хыпар çитрĕ: ĕнер каçхине Шăмăршă районĕнчи Чăваш Патирекĕнче пĕве хĕрринче 10 çулти хĕрача виллине тупнă.

Шупашкарти заливра çăлавçăсем пăр айне пулнă арçынна пулăшнă. Республикăри çăлавпа шырав служби пĕлтернĕ тăрăх, инкек тÿснĕ çынна шывран туртса кăларнă хыççăн больницăна ăсатнă.

2017 çулта Сочире Пĕтĕм тĕнчери çамрăксемпе студентсен 19 фестивалĕ иртнĕ. Ăна йĕркелесе ирттерес ĕçе пысăк тÿпе хывнисене Раççей Президенчĕ Тав çырăвĕпе чысланă. Ăна тивĕçнисен ушкăнĕнче Чăваш Ен представителĕсем те пур: Чăваш Республикин Вĕрентÿ министерствин çамрăксен политикин управленийĕн пуçлăхĕ Анна Головина тата Республика вĕрентÿ институчĕн ректорĕ Юрий Исаев.

Çĕршыв ертÿçи алă пуснă наградăна вĕсене ЧР Правительство çуртĕнче эрнесерен пулакан канашлура Чăваш Ен Пуçлăхĕ Михаил Игнатьев панă.

Лайӑххин те вĕҫĕ пулать теҫҫĕ. Ҫаплах ĕнтĕ, акӑ чӑваш театрĕн Питĕр хулинчи гастролĕ те вĕҫленчĕ. Ака уйӑхĕн 9-мĕшĕнче "Литейнӑйри" театрта Арсений Тарасовӑн "Туя туй пек тӑвар-и" камичĕ хупрĕ ӑна.

Хаçат-журнал çырăнтармалли черетлĕ тапхăр пуçланчĕ.  "Хыпар" издательство çурчĕн "Тăван Атăл" журналне Чăваш Енре çеç мар, республика тулашĕнче те çырăнса илме пулать. Хаклă та мар.

Pages

Subscribe to