Новости по теме

23 Раштав, 2020

"Паха тӗрĕ" кун-çулĕ тата çĕнĕ вăй-халĕ

Шăпах çакăн пек ятпа иртрĕ паян 97 ҫул каялла уҫӑлнӑ Чăваш тĕррин музейĕнчи "çавра сĕтел". "Пирĕншĕн кашни çул юбилей пекех", - тет фабрикăн генеральнăй директорĕ Наталия Посынкина.

"Çавра сĕтелте" ЧР Патшалăх Канашĕн Председателĕ Альбина Егорова, ЧР культура министрĕн çумĕ Елена Чернова, ЧНК вице-президенчĕ Анатолий Ухтияров, Шупашкар районĕн пуçлăхĕ Виктор Михайлов, Геннадий Иванов-Орков искусствовед, ЧР тава тивĕçлĕ художникĕ Мария Симакова, тĕрĕçсем хутшăнчĕç.

23 Раштав, 2020

Чăваш Ен Лев Кураковпа сыв пуллашрĕ

Паян Шупашкарта 20 çула яхăн И.Н.Ульянов ячĕллĕ Чăваш патшалăх университечĕн ректорĕ пулнă паллă академикпа Лев Кураковпа сыв пуллашрĕç. Юлашки çула ăсатма тусĕсем, ĕçтешĕсем, пĕлĕшĕсем тĕрлĕ регионтан çитнĕ.

23 Раштав, 2020

2020 çул ансат пулмарĕ

Коронавируса пула эпидемиологи лару-тăрăвĕ япăхланни экономикăна çеç мар, граждансене те вирлĕ пырса çапрĕ. Вируса сарăлма парас мар тесе йышăннă чару мерисене пула çак тапхăрта чылай предприяти хупăнчĕ, çĕр-çĕр çын ĕçсĕр тăрса юлчĕ, ытти йывăрлăх сиксе тухрĕ…

23 Раштав, 2020

Республика кунне Çĕмĕрлесем йышăнĕç

Юнкун Министрсен Кабинечĕн 2020 çулхи юлашки ларăвĕ иртрĕ. ЧР Пуçлăхĕ Олег Николаев çакăн пирки каланă май Правительство кăçал самай пысăк ĕç пурнăçланине çирĕплетрĕ, пурне те ĕçшĕн тав туса кăçалхи йышăнусем çитес çулхи ăнăçлă ĕçе никĕслессине палăртрĕ. Çак ĕç Чăваш Ен çыннисен пурнăçне лайăхлатас тĕллеве тĕпе хурĕ.

23 Раштав, 2020

Кашни ыйтăва уйрăммăн тĕпчемелле

Паян Олег Николаев Правительство çуртĕнче ЧР Пуçлăхĕ çумĕнчи инвестиципе предприниматель активлăхĕн тата предпринимательсене хÿтĕлессин координаци канашĕн ларăвне ирттерчĕ.

22 Раштав, 2020

Кăçалхи ĕçсене пĕтĕмлетрĕç

Паян Наци библиотекинче ЧР Культура, национальноçсен ĕçĕсен тата архив ĕçĕн министерствин коллегийĕн тата Министерство çумĕнчи Общество канашĕн пĕрлехи ларăвĕ иртрĕ. Унта отраслĕн кăçалхи малтанлăха тунă кăтартăвĕсемпе паллаштарчĕç.

21 Раштав, 2020

Уявсенче те тимлӗх пирки манмалла мар

Паян республикăри Чрезвычайлă лару-тăрăва асăрхаттарас тата сирсе ярас, пушар хăрушсăрлăхĕпе тивĕçтерес енĕпе ĕçлекен комисси ларăвĕ иртрĕ. Унта районсемпе хуласен администрацийĕсен пуçлăхĕсем те видеоçыхăну мелĕпе хутшăнчĕç.

21 Раштав, 2020

Тăватă учитель пĕрер миллион тенкĕ илнĕ

Паян Шупашкарти 65-мĕш шкулта массăллă информаци хатĕрĕсенче ĕçлекенсем валли пресс-конференци иртрĕ. Ăна ЧР Министрсен Кабинечĕн Председателĕн çумĕ — ЧР вĕрентӳ тата çамрăксен политикин министрĕ Алла Салаева ертсе пычĕ.

Пресс-конференцире вĕрентӳ отраслĕн çулталăкри ĕç-хĕлне пĕтĕмлетрĕç, массăллă информаци хатĕрĕсенче ĕçлекенсен ыйтăвĕсене хуравларĕç. 2020 çулта ЧР Вĕрентӳ тата çамрăксен политикин министерстви «Вĕрентӳ «наци проекчĕн регионти 7 проектне пурнăçа кĕртнĕ.

21 Раштав, 2020

Хĕл Мучи Резиденцийĕ уçăлнă

Çĕмĕрле хулин пĕр паркĕнче хĕллехи юмах хуçаланма тытăннă — унта Хĕл Мучин Резиденцийĕ ĕçлет.

Ташă лапамĕнче Çĕнĕ çул эрешĕпе капăрлатнă чатăр вырнаçнă, вăл кулленех хăйĕн патне илĕртет.

Резиденцире кашни кунах 4 сехетрен пуçласа 5-чен сăн ӳкерĕнме пулать. Канмалли кунсенче çак вăхăтрах вара Хĕл Мучипе Юр пике хăнасене кĕтсе илĕç, вĕсемпе сăн ӳкерĕнĕç.

21 Раштав, 2020

Пурăнмалли çурт-йĕрпе тивĕçтерессипе такăнни куçкĕрет

Халăхăн социаллă уйрăм ушкăнĕсене пурăнмалли çурт-йĕрпе тивĕçтересси такăнни куçкĕрет — çакăн пирки ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура ЧР Пуçлăхĕ Олег Николаев пусăм тусах каларĕ. Эппин, влаçăн тивĕçлĕ органĕсем ĕçлесе çитерейменнине те йышăнмаллах.

Pages