Социаллă ыйтусем тата çураки — Министрсен Кабинечĕн ЧР Пуçлăхĕн тивĕçĕсене вăхăтлăх пурнăçлакан Олег Николаев ертсе пынипе юнкун иртнĕ ларăвĕнче çак ыйтусем тĕпре пулчĕç.

Чи малтанах — регион ертÿçин указĕпе килĕшÿллĕн Çĕнтерÿ кунĕ тĕлне вăрçă инваличĕсемпе участникĕсене 25-шер пин тенкĕ тÿлесси. Ĕçлев министрĕ Алена Елизарова вăрçă паттăрĕсем çак тÿлеве çу уйăхĕн 8-мĕшĕччен илессине çирĕплетрĕ.

Пуш уйăхĕн 17-20-мĕшĕсенче Санкт-Петербургра «Çамрăк профессионалсем» наци чемпионачĕн финал ăмăртăвĕсем иртнĕ. Унта 8 регионтан çитнĕ командăсем хутшăннă, çав шутра Чăваш Енрен те.

Иртнĕ эрнере Сочире спорт сезонне вĕçлекен "Роза Хутор" Пĕтĕм Раççей турнирĕ пулнă. Унта Раççейри тĕрлĕ хуларан 50 спортсмен пуçтарăннă.

Юр ирĕлме тытăнчĕ те шурă "кавир" айĕнче пытанса пурăннă çӳп-çап уççăнах палăрма пуçларĕ. Пĕрре те илемлĕ кăтартмасть вăл тавралăха. Çавăнпа Шупашкарта малтанхи субботник иртрĕ те ĕнтĕ.

Территорие çӳп-çапран тасатма 6 пине яхăн çын тухнă: ача сачĕсемпе шкулсенче, культура тата физкультурăпа спорт учрежденийĕсенче, районсенчи пурăнмалли çурт-йĕрпе коммуналлă хуçалăхсен управляющи компанийĕсенче ĕçлекенсем.

Республикăра наркоманипе чирлисен, наркотикпе усă куракансен шучĕ чакни палăрать. Анчах çивĕчлĕх сирĕлет тени вырăнсăр. Çул çитменнисем наркотиксен тыткăнне ытларах лекеççĕ, вĕсемех наркотиксемпе çыхăннă преступленисем ытларах тăваççĕ. Çакăн çинчен Чăваш Республикинче наркотиксемпе кĕрешекен комиссин  ЧР Пуçлăхĕн тивĕçĕсене вăхăтлăх пурнăçлакан Олег Николаев ертсе пынипе паян иртнĕ ларăвĕнче калаçу пулчĕ.

Ĕнер 18 сехетре Вăрмар районĕнчи Кавал ялĕнче пĕр гаражра çулăм тухнă. Çав вăхăтра кил хуçи унтах автомобиль юсанă. «Renault-Trafic» микроавтобус çунма тытăнсан вăл ăна çийĕнчех тĕксе тухнă.

ЧР Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертÿçисемпе ирттернĕ паянхи канашлăвăн кун йĕркинче пăхман темăпа та калаçу пулчĕ. Олег Алексеевич хăйĕнчен «вăрçă ачисен» статусне çирĕплетме ыйтакан нумаййи çинчен каласа ку ыйтăва татса памалли пирки сăмах пуçарчĕ.

ЧР Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертÿçисемпе ирттернĕ паянхи канашлура Çут çанталăк ресурсĕсен министрĕн тивĕçĕсене пурнăçлакан Александр Воробьев чĕр чунсене хÿтĕлес ыйтупа сăмах илчĕ.

Республикăн çар комиссариачĕ призыв кампанине ăнăçлă йĕркелесе округра 1-мĕш вырăна çĕнсе илнĕ, вымпела тивĕçнĕ. ЧР Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертÿçисемпе ирттернĕ канашлура çакăн çинчен Александр Мокрушин комиссар пĕлтерчĕ.

Призыв ыйтăвĕсем, çурхи ейÿрен сыхланасси, чĕр чунсен тĕнчине хÿтĕлесси — çак темăсене паян ЧР Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертÿçисемпе ирттернĕ канашлура сÿтсе яврĕç. Çапах калаçу халĕ тĕнчене хумхантаракан тĕп темăран — коронавирус инфекцийĕнчен — пуçланчĕ, унпах вĕçленчĕ.

Канашлăва пуçланă май Олег Николаев инфекцирен сыхланасси пирки сăмах пуçарчĕ. Кунта чи малттанах кашни çын яваплă пулни пысăк пĕлтерĕшлĕ. Влаçри çынсене ку пушшех пырса тивмелле. 

Pages

Subscribe to