Çу уйăхĕн 23-24-мĕшĕсенче Чăваш Енре РФ Атăлçи округĕнчи регионсен тата Китай Халăх Республикинчи Янцзы шывĕ хĕрринчи провинцисен ĕçтешлĕхĕн канашĕн виççĕмĕш ларăвĕ иртет.

Ĕнер ĕç ушкăнĕ ЧР Правительство çуртĕнче пысăк çак мероприятие йĕркелесе ирттерессине сÿтсе яврĕ. Ларăва республика Пуçлăхĕ Михаил Игнатьев ертсе пычĕ. Унăн ĕçне çавăн пекех РФ Президенчĕн Атăлçи округĕнчи полномочиллĕ представителĕн заместителĕ Олег Машковцев хутшăнчĕ.

Ака уйăхĕн 17-мĕшĕнче Шупашкарти ача-пăча пултарулăх керменĕнче «Çĕнтерÿ ялавĕн часовойĕ» патриот акцийĕ уçăлчĕ. Ăна Тăван çĕршывăн Аслă вăрçи вăхăтĕнчи халăх паттăрĕсене ĕмĕрлĕхе асра хăварас тĕллевпе РФ Общество палати пуçарнă. Ачасене, çамрăксене патриотла воспитани памалла, тăван çĕршыва ирĕке кăларакансене тав тумалла.

Чăваш Республикинче «Земство тухтăрĕ» тата «Земство фельдшерĕ» программăсемпе ăнăçлă ĕçлеççĕ. Ял-салара вăй хуракансене патшалăх уйрăммăн пулăшма пуçланăранпа 426 сывлăх сыхлавçипе килĕшÿ тунă. Элĕк район тĕп больницине, тĕслĕхрен, «Земство тухтăрĕ» программăпа 13 врач ĕçе вырнаçнă. Валерий Егоров тĕп врач патшалăх тĕревĕ кадр çивĕчлĕхĕнчен хăтăлма пулăшнине палăртать.

Паян ЧР Пуçлăхĕ Михаил Игнатьев Чăваш патшалăх университечĕн студенчĕсемпе тĕл пулчĕ.

Çамрăксем хăйсен ĕçĕ-хĕлĕ çинчен каласа кăтартрĕç. Тĕслĕхрен, филологипе журналистика факультетĕнче вĕренекен Анастасия Миловидова "Çĕнтерÿ волонтерĕсем" юхăм пирки чарăнса тăчĕ.

Студентсем те ыйтусем пачĕç. Нумайăшне проектсене пурнăçа кĕртме грантсем парасси, çамрăксене пулăшасси кăсăклантарчĕ. Михаил Васильевич çамрăксене малашне те çитĕнÿсĕмшĕн хавхалантарассине пĕлтерчĕ.

«Пӗтӗм чӑваш диктанчĕ-2019» акци вăхăтĕнче Тани Юн пултарулăхĕ çинчен хатĕрленĕ текста çыртарĕç. Чăваш патшалăх гуманитари ăслăлăхĕсен институтĕнче пĕлтернĕ тăрăх, текст авторĕ - Владислав Николаев журналист тата çыравçă. 

Паян «Хыпар» Издательство çурчĕн ача-пăча кăларăмĕсен корреспонденчĕсем Валентина Селенинăпа Лариса Петрова Шупашкарти 30-мĕш ача садĕнче пулчĕç.

— Шăпăрлансем пире хаваслă кĕтсе илчĕç. Хĕрачасем маскак тăхăннă. Паянхи куна вĕсем чăн-чăн уява çавăрнă. Сĕтеле хăйсем çырăнса илекен пирĕн кăларăмпа — «Тетте» журналăн тĕрлĕ номерĕпе — пуянлатнă, — терĕ Валентина Селенина.

Çурхи вăхăтра пушар хăрушсăрлăхĕпе тивĕçтерес тĕллевпе республикăри муниципалитетсемпе хуласенче «Вăрмансене пушартан сыхла!» уйăхлăх иртĕ. Вăл ака уйăхĕн 22-мĕшĕнчен пуçласа çу уйăхĕн 22-мĕшĕччен тăсăлĕ.

Йăлана кĕнĕ балет фестивальне хальхинче те чикĕ леш енчен, Раççейĕн тĕрлĕ регионĕнчен килнĕ ташă ăсти чылай пулчĕ.

Pages

Subscribe to