Новости по теме

14 Кăрлач, 2021

Шăнса пăсăлнă

Çак кунсенче çанталăк ытти чухнехинчен самай сивĕрех тăчĕ. Çавна май çынсем урамра шăнса пăсăлнă тĕслĕхсем йышланнă.

Кăрлач уйăхĕн 12-мĕшĕнче васкавлă пулăшу машинисен сакăр çын патне çитме тивнĕ. Республикăн катастрофа медицинин тата васкавлă медпулăшу центрĕнче пĕлтернĕ тăрăх, шар курнисем – 29-89 çулти çынсем. Кашнинех больницăна илсе кайнă.

12 Кăрлач, 2021

«Хыпар» издательство çурчĕн «Тантăш» хаçачĕ тухма пуçланăранпа 90 çул çитрĕ

Паян «Хыпар» издательство çурчĕн «Тантăш» хаçачĕ тухма пуçланăранпа 90 çул çитрĕ. Вăл «Пионер сасси» ятпа 1931 ҫулхи январĕн 12-мĕшĕнче пуçласа кун çути курнă. Унǎн пĕрремĕш редакторĕ Илья Алтын Баш пулнǎ. «Епле хаваслǎ кĕтсе илчĕ ǎна ача-пǎча. Кĕске вǎхǎтрах хаҫат тиражĕ те чылай ӳсет. Чухǎнччĕ редакци. Ачасем ҫинчен ҫырма пултаракан журналистсем сахал пулнǎ, укҫи те ҫитмен. Ҫапах пур пĕр ĕҫленĕ. Алла усман. Йывǎрлǎхран тухма тǎрǎшнǎ, малашлǎх пирки ĕмĕтленнĕ. Сывлǎха та шеллемен», – аса илнĕ каярах Илья Максимович.

11 Кăрлач, 2021

Чăваш МЧСĕн – çĕнĕ ертÿçĕ

Раççей МЧСĕн Чăваш Енри тĕп управленине ертсе пыма шалти службăн полковникне Валерий Зеленина çирĕплетнĕ.

Валерий Зеленин маларах — Чулхула облаçĕнчи МЧС тытăмĕнче, унтан Севастопольте ĕçленĕ.

Аса илтеретпĕр, унччен Раççей МЧСĕн Чăваш Енри тĕп управленине Станислав Антонов майор генерал ертсе пыратчĕ. Вăл ку тивĕçрен 2020 çулхи ака уйăхĕнче тухрĕ.

11 Кăрлач, 2021

Инкек тĕлĕрмест

Кăрлач уйăхĕн 10-мĕшĕнче каçхине Улатăрти пĕр килте мунча çунса кĕлленнĕ.

Çулăм юнашарти пурăнмалли çурта тата кил таврашне те тивнĕ. Кил хуçин 58 çулти мăшăрĕ тата 21 çулти хĕрĕ суранланнă.

Пĕтĕмпе çулталăк пуçланнăранпа республикăра 35 пушар тухнă, 11 çын вилнĕ.

Пушар тухсан «01» /карас телефонран — «101»/ номерпе шăнкăравламалла.

11 Кăрлач, 2021

Ачасем валли – шанăç телефонĕ

Ачасене психологи тĕлĕшĕнчен сиен кӳрессинчен асăрхаса вăхăтра пулăшас тĕллевпе республикăра шанăç телефонĕ ĕçлет: 8-800-2000-122.

2020 çулта çак телефонпа 3843 çын усă курнă, вĕсенчен 2818-ăшĕ — ачасем. Шăнкăравлакансене пурне те васкавлă психологи пулăшăвĕ кӳнĕ. Кризисла лару-тăру çинчен опекăн тата республика попечительствин муниципаллă органĕсене пĕлтереççĕ.

www.hypar.ru Фото kaluga-gov.ru

11 Кăрлач, 2021

Ирĕклĕ кĕрешекенсем тупăшнă

В.Н. Кочков ячĕллĕ олимп резервĕсен 5-мĕш спорт шкулĕнче ирĕклĕ кĕрешӳ турнирĕ иртнĕ.

Спорт мероприятине Чăваш Республикин физкультурăпа спортăн тава тивĕçлĕ ĕçченне Иван Григорьева халалланă. Унта Чăваш Енри тата Чулхула облаçĕнчи 13-14 çулсенчи 70-е яхăн кĕрешӳçĕ хутшăннă.

11 Кăрлач, 2021

Африка мурне тупса палăртнă

Патшалăх ветеринари службин ертÿçи Костантин Викторов Чăваш Енре сыснасен Африка мурĕн тĕслĕхĕсене тупни çинчен паян, ĕç тăвакан влаç органĕсен тата муниципалитетсен ертÿçисемпе иртнĕ тунтикунхи канашлура, пĕлтерчĕ.

Пĕрремĕш тĕслĕхре Хĕрлĕ Чутай районĕнче вăрманта тупнă хир сыснин виллине тĕпченĕ май чĕр чун Африка мурĕпе чирлĕ пулни палăрнă. Тепринче вара сунарçăсем çав районтах тытнă хир сыснине мур ерни çирĕпленнĕ.

11 Кăрлач, 2021

Пандеми парăнасшăн мар

Умра — Кăшарни уявĕ. Çав кун шыва кĕрес текенсен йышĕ корнавирус инфекцине пула кăçал сахалрах пулма пултарĕ, çапах та, ГКЧС ертÿçин Вениамин Петровăн шучĕпе, сыхлăха чакарма юрамасть. Çакăн пирки вăл ĕç тăвакан влаç органĕсен тата муниципалитетсен ертÿçисемпе тунтикунсерен йĕркелекен канашлура палăртрĕ.

11 Кăрлач, 2021

Сыхлăх – тĕп вырăнта

Ĕç тăвакан влаç органĕсен тата муниципалитетсен ертÿçисемпе тунтикунсерен йĕркелекен канашлăвăн, ку хутĕнче пĕрремĕш вице-премьер – финанс министрĕ Михаил Ноздряков ертсе пынипе иртнĕскерĕн, кун йĕркинче уяв-кану кунĕсене пĕтĕмлетнипе çыхăннă ыйтусем тĕп выăнта пулчĕç. Шел те, çак кунсенче республикăра пысăк инкексем те пулнă. Çапла вара влаç çулталăка сыхлăх ыйтăвĕсенчен пуçларĕ теме те юрать.

7 Кăрлач, 2021

Петӗр Яккусен пурнӑҫран уйрӑлнӑ

Кăрлач уйăхĕн 7-мĕшĕнче Чăваш патшалăх гуманитари ăслăлăхĕсен институчĕн аслă ăслăлăх ĕçтешĕ, поэт, çыравçă, куçаруçă, педагог, филологи наукисен кандидачĕ, доцент Петр Яковлевич Яковлев (Петĕр Яккусен) пурнӑҫран вăхăтсăр уйрăлса кайнӑ.

Петĕр Яккусен 1950 çулхи çурла уйăхĕн 26-мĕшĕнче Красноармейски районĕнчи Упаçырми ялĕнче çуралнă.

Pages