Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев Вăрнар район администрацийĕн пуçлăхĕпе Леонид Николаевпа тĕл пулнă. Калаçу вăхăтĕнче предпринимательсене аталанса пыма витĕм кӳрессине, ял хуçалăх ĕçĕпе çыхăннă ыйтусене хускатнă.
Авăн уйăхĕн 8-мĕшĕнче Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев Шупашкарти электромеханика завочĕпе Ишлейри пысăк вольтлă аппаратурăсен заводĕнче пулса курнă.
Чăваш Енри театрсем çĕнĕ сезона уçмашкăн хĕрÿ хатĕрленеççĕ. Чăваш патшалăх оперăпа балет театрĕ 56-мĕш сезонне сентябрĕн 11-мĕшĕнче "Нарспи" оперăпа пуçлĕ.
Оперăпа балет театрĕ хăйне евĕр акци ирттерет. Çынсене сентябрь уйăхĕ тăршшĕпех спектакльсене тÿлевсĕр кĕртĕç. Анчах куракансен хăйсемпе пĕрле чечек çыххи илсе килмелле, вĕсене артистсене парнелемелле.
Канашри районсен хушшинчи следстви уйрăмĕ 26-ри хĕрарăма тытса чарнă, вăл хăйĕн упăшкине вĕлерме пултарнă тесе уголовлă ĕç пуçарнă.
Следстви версийĕ тăрăх, кăçалхи сентябрĕн 1-мĕшĕнче Канаш хулинче çамрăк хĕрарăм килĕнче, общежитире, пулнă. Упăшкипе пĕрле эрех ĕçнĕ хыççăн хирĕçсе кайнă. Хытах харкашă вĕсем. Хĕрарăм аллине çĕçĕ тытнă та 29 çулти упăшкине кăкăр тĕлĕнчен чикнĕ. Лешĕ йывăр сурансене тÿсеймесĕр çавăнтах вилнĕ. Уголовлă ĕçе малалла тишкереççĕ.
Елчĕк районĕн сучĕ унччен полици уйрăмĕнче ĕçленĕ 35 çулти арçын тĕлĕшпе приговор вуланă. Халĕ унăн поселени колонийĕнче 1 çул ларма тивĕ. Кунсăр пуçне вăл транспорт рулĕ умне 1,5 çул лараймĕ.
<=Эпĕ Оля Баранова ятлă, 26 çулта. Хĕрлĕ Чутай районĕнчи Чурпай ялĕнче çуралса ÿснĕ. Гороскоппа - Пулă. Пушă вăхăтра кĕнеке вулама юрататăп. Сывă пурнăç йĕркине пăхăнатăп, йогăпа интересленетĕп.
=>Сăнÿкерчĕкре - Патăрьел районĕнчи Турхан ялĕнче çуралса ÿснĕ Мария Лукиянова. Вăл И.Н.Ульянов ячĕллĕ Чăваш патшалăх университетĕнче ăс пухать. Спорта юратаканскер çăмăл атлетикăна кăмăллать, хутăш кĕрешÿ секцине те çÿрет. Пушă вăхăт тупăнсанах алла акварельпе киçтĕк тытма васкать. Тусĕсемпе кинотеатра çÿреме, урамра уçăлса çÿреме юратать.
Юрий Поповăн Кубокне çĕнсе илессишĕн 6 регионти 22 команда вăй виçрĕ
Тунтикун Тутарстан çине йăтăнса килнĕ çил-тăвăл, пăрлă çумăр çурт-хуралтăсене сиенлени, çынсем суранланни çинчен центрти массăллă информаци хатĕрĕсем çийĕнчех пĕлтерчĕç.
Ятарласах çапла палăртнă пуль - республика Пуçлăхĕ çумĕнчи Экономика канашĕ çумĕнчи Банкирсен канашĕн анлă ларăвĕ ĕнер, Финансист кунĕнче, иртрĕ. Çавна май Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев та хăйĕн сăмахне Правительство çуртĕнчи зала пухăннă банкирсене професси уявĕ ячĕпе саламланинчен пуçларĕ. Çапах калаçу праçник тавра кăна пулмарĕ.
Чăвашла верси
Русская версия
