Паян Чăваш Республикин Пуçлăхĕ Михаил Игнатьев И.Н.Ульянов ячĕллĕ Чăваш патшалăх университечĕн вĕрентÿпе лабораторин «С» корпусĕнче /медицина факультечĕ вăл/ пулчĕ. Кунта нумаях пулмасть тĕплĕ юсав ĕçĕсем ирттернĕ.
Шупашкар йĕркеленнĕренпе 550 çул çитнине халалланă уявăн официаллă пайĕ каçхи 9 сехетре иртрĕ. Сцена çине республика, хула ертÿлĕхĕ тата сумлă хăнасем хăпарчĕç.
Чи малтанах Чăваш Республикин Министрсен Кабинечĕн Председателĕ Иван Моторин сăмах илчĕ, пухăннисене уявпа саламларĕ. "Телей, юрату, ăнăçу сунатăп", - терĕ вăл.
Паян Çĕнĕ хулара пурăнакансемшĕн, уйрăмах çамрăк çемьесемшĕн, савăнăçлă кун. Кунта 240 ачана йышăнма пултаракан çĕнĕ ача сачĕ уçăлчĕ. Вăл - микрорайонта иккĕмĕш.