Шупашкар

3 Авăн, 2020

Пăрахутсем çÿремĕç

Шупашкарти юхан шыв порчĕ Атăл леш енне илсе каçаракан транспорта çÿреме чарĕ.

Шупашкар хула администрацийĕн пуçлăхĕ Алексей Ладыков çак эрнере ятарлă йышăнăва алă пуснă. Унта вăл Атăлăн сулахай çыранне тата Сосновкăна шывпа çÿрекен транспорта тунтикунтан, авăн уйăхĕн 7-мĕшĕнчен, çÿреме чарасси пирки каланă.

Çав вăхăтрах халăха Атăл тăрăх уçăлма илсе çÿрекен пăрахутсем хальлĕхе çÿрĕç.

www.hypar.ru fleetphoto.ru сăн ÿкерчĕкĕ.

ВераЭВЕРККИ.

 

27 Утă, 2020

Хунарсене çĕмĕрнĕ

Шупашкар урамĕсем юлашки çулсенче палăрмаллах илемленчĕç. Шел те, хитрелĕхпе киленме пĕлменнисем те тĕл пулаççĕ.

«Шупашкар: 500 çул» паркра туса лартнă картлашкан икĕ енĕпе 2019 çулхи юпа уйăхĕнче çутă хунарĕсем вырнаçтарнă. Картлашкапа Атăл хĕррине анса хăпарма меллĕ пулнă. Хунарсем такама кансĕрленĕ тейĕн – вĕсене ватакан тупăннă.

www.hypar.ru

forum.na-svyazi.ru сăн ÿкерчĕкĕ.

27 Утă, 2020

Шупашкарта стела вырнаçтарасшăн

Шупашкар хулинче Чăваш автономи облаçне йĕркеленĕренпе 100 çул çитнине халалласа стела вырнаçтарасшăн.

Стелăн çÿллĕшĕ 13,85 метр пулĕ. 11 метр çÿллĕш гранит юпа çине республикăмăрăн бронза гербне вырнаçтарĕç, тăрринче икĕ пуçлă ăмăрткайăк пулĕ. Ку вăл икĕ халăхăн: чăвашсемпе вырăссем пĕрлешнин хăватне палăртмалла. Стелăна Республика лапамĕнче вырнаçтарасшăн.

Обелиск проектне Шупашкарти градостроительство канашĕн ларăвĕнче тишкермелле.

8 Утă, 2020

Демографи сывлăх сыхлавĕн сăнне тĕксĕмлетет

Республикăра пĕлтĕр çынсен пурнăçĕн вăтам тăршшĕ историре пуçласа 73 çул урлă каçнă, çынсем вилессин кăтартăвĕсем те лайăхланнă, апла пулин те демографи лару-тăрăвĕ пурпĕр çивĕч — халăх йышĕ чакса пырать. Çакăн пирки Министрсен Кабинечĕн пĕрремĕш вице-премьер — финанс министрĕ Михаил Ноздряков ертсе пынипе юнкун иртнĕ ларăвĕнче сывлăх сыхлавĕн министрĕ Владимир Степанов пĕлтерчĕ.

8 Çĕртме, 2020

Атăла путма пуçланă

Шупашкарти икĕ тус пĕр кунхине Атăла путма пуçланă.

Ÿсĕрскерсенчен пĕри амăшĕн «Лада Калина» машинине чĕртсе тухнă. Атăл çыранĕн хĕррипе пынă чух вăл руле тусне шанса панă. Лешĕн права пулман. Руль умне вăл машинăпа çÿреме вĕренмелле ларнă. Тахăш вăхăтра автомобиль хыçалалла чакса Атăл çыранĕ хĕррине пырса кĕнĕ. Машинăна хăйсем тĕллĕн шывран кăлараймассине ăнлансан каччăсем пулăшу чĕнсе илнĕ.

Pages