Пулса иртни

2 Раштав, 2021

Аварире çын вилнĕ

Хĕлĕн пĕрремĕш кунĕнче Çĕнĕ Шупашкара илсе кĕрекен «Вятка» автоçулăн кĕперĕ çинче тăватă машина çапăннă.

«Лада-Веста», «Фольксваген-Пассат», «Хендай-Солярис» тата «Рено-Дастер» пĕр-пĕрне чышăнсан пĕрремĕшĕ çаврăнса ӳкнĕ, шалта ларакан икĕ çын сурана пула çавăнтах вилнĕ. «Лада-Вестăри» тепĕр çынна тата «Хендай» пассажирне больницăна илсе çитернĕ.

Хĕллехи кунсем пуçланнă май çул çинче уйрăмах асăрхануллă пулмаллине ан манăр!

Пулса иртни
8 Чÿк, 2021

Каллех пушар алхаснă

Иртнĕ канмалли кунсенче Канашри пилĕк хутлă çуртра пушар тухнă.

Çулăм икĕ пӳлĕмлĕ хваттере сиенленĕ. 58 çулти арçынна сĕрĕм тивнĕ, ăна медицина пулăшăвĕ кирлĕ пулнă. Пушара сӳнтернĕ вăхăтра çуртран 8 çынна илсе тухнă, вĕсен шутĕнче — 2 ача. Çав кунах Канаш районĕнчи Шăхасанта уйрăм çурт çуннă, пĕтĕм пурлăх вутпа кĕлленнĕ. Çулăм пирус туртнă чухне асăрханманнипе тухма пултарнă.

Пулса иртни
14 Юпа, 2021

Хастар водителе чысларĕç

Шупашкарти 43-мĕш маршрутра ĕçлекен Алексей Никандров ĕçтешĕ пулăшу ыйтнине илтсен сехĕрленсе ÿкмен. Вăл çитнĕ вăхăтра шар курнă арçыннӑн мăйĕнчен юн юхнă. Алексей ăна кабинăран кăларнă та çĕр çине вырттарнă, каялла аптечка патне чупнă... Шăп çак вăхăтра васкавлă медицина пулăшăвĕ иртсе пынă. Алексей ăна чарнă, мĕн пулса иртнине каласа панă.

Пулса иртни
23 Çурла, 2021

Штрафламасан чараймăпăр

Канашлура ГКЧС ертӳçи Олег Яковлев пушарсемпе çыхăннă лару-тăрупа паллаштарчĕ. Çĕршывăн тĕрлĕ кĕтесĕнче вăрмансем пысăк лаптăкра çунаççĕ. Çав шутра — Атăлçи округĕнче те: Самар облаçĕнче, Мордовире, Мари Элта… Çавăнпа çак кунсенче сыхлăх мерисене пăхăнни, туллин пурнăçлани питĕ пысăк пĕлтерĕшлĕ. Регионăн кăнтăр енчи районĕсенче шăрăх çанталăка пула хăрушлăх пушшех пысăк.

Пулса иртни

Pages