Паян Чăваш патшалăх оперăпа балет театрĕ журналистсене пухса юпа уйăхĕнче иртекен Пĕтĕм тĕнчери балет фестивалĕн программипе паллаштарчĕ. МИХсенче ĕçлекенсемпе театрăн илемлĕх ертÿçи Дмитрий Банаев, дирижерĕ Ольга Нестерова, балетмейстерĕ Данил Салимбаев, художникĕ Валентин Федоров тĕл пулчĕç.
Чăваш Енре «Театрлă Атăлçи» фестиваль старт илет. Ăна паян савăнăçлă лару-тăрура уçрĕç.
Чăваш патшалăх пукане театрĕнче нумаях пулмасть художество тата техника канашĕсем пухăва пуçтарăннă. Унта Мускаври Евгений Никоноров художник хутшăннă.
Çĕршывăн тĕп хулинчи специалиста «В стране Хахатании» спектакле лартма йыхравланă. Ĕçĕн авторĕ – театр ветеранĕ Зоя Никонорова. Спектакле театрăн илемлĕх ертÿçи, Юрий Филиппов режиссер-постановщик икĕ чĕлхепе: чăвашла тата вырăсла – хатĕрлесшĕн.
Çĕртме уйăхĕн 15-мĕшĕ хыççăн «Театр кĕперĕ. Чăваш Ен – Пушкăртстан», «Театр кĕперĕ. Чăваш Ен – Мари Эл», «Театр кĕперĕ. Шупашкар – Чĕмпĕр» онлайн-гастрольсем пуçланĕç. Культура мероприятине Чăваш автономи облаçне йĕркеленĕренпе 100 çул çитнине халалланă.
Килте лармалли тунсăхламаллине пĕлтермест. К.В.Иванов ячĕллĕ Чăваш патшалăх академи драма театрĕ архиври спектакльсемпе паллашма сĕнет. Çакна килтен тухмасăрах тума пулать.
Чăвашла верси
Русская версия
