Archive - 20 Dec, 2019

Хăйĕн хайлавĕсенче вăл ял хуçалăхĕнчи çивĕч ыйтусене хускатнă, тăван тавралăха сыхлассине пысăк тимлĕх уйăрнă, унăн радиокăларăмĕсене халăх юратса итленĕ. Чăваш Енре, ахăртнех, вăл çитмен кĕтес юлман. Пур çĕртен те çынсемшĕн пĕлтерĕшлĕ сюжетсем илсе килнĕ. Леонид Ильин хăй хыççăн çĕр-çĕр радиокăларăм çеç мар, вун-вун çуллăх ырă ят хăварнă. Пултаруллă журналистăн сăнарĕ ĕçтешĕсемпе пĕлĕшĕсен, ун патĕнче ăсталăхне туптанă студентсен, ăна пĕлнĕ çынсен асĕнче паян та çуттăн упранать…

РФ Президенчĕн Владимир Путинăн кăçалхи пресс-конференцийĕ — 15-мĕш. Унта çĕршыври тата чикĕ леш енчи 1900 яхăн журналист хутшăнчĕ. 4 сехет те 20 минута яхăн тăсăлнă тĕлпулура 57 çын ыйту парса ĕлкĕрчĕ.

Тăватă çул каялла Йĕпреç районĕн çут çанталăк газĕпе усă курнăшăн 12,5 млн тенкĕ парăм капланнă, виçĕ çулта ăна пĕтĕмпех парса татнă. Унсăр пуçне нумай хваттерлĕ çуртсене ăшăпа тивĕçтерме хальхи технологисене пăхăнса 3 котельнăй хăпартнă. Тăватă çул каялла усă курман çĕр те пысăк лаптăк йышăннă. Çакнашкал 4540 гектар çĕртен 3216 гектарне – 2016 çулта, 1030 ытла гектарне 2017-2019 çулсенче пусă çаврăнăшне кĕртнĕ. Юлнă 300 гектар çĕрпе çитес çулсенче усă курмашкăн тытăнма палăртнă. Паллах, çак тата ытти ĕç тăрăшса ĕçлемесĕр пулмасть.