Патăрьел районĕнчи Турхан шкулĕнче 180 вĕренекен ăс пухать. Вунă ял ачи çÿрет кунта: Упамса, Шăхач, Кĕçĕн Чемен, Çĕньял, Хурама Тăвар, Анат Тăрмăш, Çăл Атăк, Тури Тăрмăш, Турхан тата Шăмăршă районĕнчи Кучек ялĕнчен. Кÿршĕ ялсенчен автобуссем турттараççĕ. Шкул пурнăçĕ нихăçан та тунсăхлă мар.
Авăн уйăхĕн 23-мĕшĕнче 10 сехет те 20 минутра пĕчĕккисем валли Рената Волкова хатĕрлекен «Шăпăрлан» кăларăм Чăваш наци радиовĕн хумĕсем çине тухать. Хальхинче унта «Хыпар» издательство çурчĕн «Тетте» журналăн авăн уйăхĕнчи кăларăмĕ çинчен пĕлме пулĕ. Мĕнпе тĕлĕнтерĕ-ши кĕрхи «Тетте»? Кун пирки Валентина Федорова корреспондент пĕлтерĕ.
Тусăмăрсем, зал тулли халăх пуçтаракан, илемлĕ юррисемпе куракана чун апачĕ парнелекен эстрада çăлтăрĕн ачалăхĕпе паллашас кăмăл пур-и? Иккĕленместĕп, Алексей МОСКОВСКИН концерчĕсенче выртакан пуленке те хускалать пуль.
Авăнăн 4-мĕшĕнче ирхине 5 сехет çурăра ашшĕ-амăшĕпе пĕрле пирĕн корреспондент та Чăваш кадет корпусĕн аслăрах класĕсенче вĕренекенĕсене Пермь хулине ăсатрĕ. Унтан çĕрле 2 сехетре кĕçĕнреххисене Хура тинĕс хĕррине вĕçекен самолета лартса ячĕ. Пермьри Кадет корпусĕнче пирĕн ачасем мĕнлерех пурăнаççĕ-ши? Крымри «Лучистый» лагерьте чарăннисене вĕçĕ-хĕррисĕр тинĕсĕн сывлăшĕ килĕшнĕ-ши?
Чăвашла верси
Русская версия
