Новости по теме

«Çамрăк профессионалсем» (WorldSkills Russia) VIII Наци чемпионачĕн финалĕнче Чăваш Ен пĕрлештернĕ командин пухмачи черетлĕ наградăпа пуянланнă. Шупашкарти 64-мĕш шкулта вĕренекен Дарья Жевалюкова «Повар ĕçĕ» компентенцире ылтăн медаль çĕнсе илнĕ. Ăмăртусем 3 кун иртнĕ. Кашни кун 4-шар сехет виçшер блюдо хатĕрлемелле пулнă. Вĕсенчен пĕрне вăрттăнлăхра тытнă. Кун пирки çамрăксене ăмăрту умĕн кăна пĕлтернĕ.

Нумаях пулмасть Чăваш Ен Çăмăл атлетика федерацийĕн отчетпа суйлав пухăвĕ иртнĕ. Унта çитес пилĕк çула ертÿçĕне суйланă.

Пухурисем федерацин председателĕ пулма пĕр шухăшлăн Раççейĕн çăмăл атлетика енĕпе тава тивĕçлĕ спорт мастерне, Олимп вăййисене икĕ хутчен хутшăннă, тĕнче тата Европăри марафон чупăвĕнче чемпионка пулса тăнă Елена Ивановăна шаннă. Паллă спортсменка хальхи вăхăтра Шупашкарти 8-мĕш спорт шкулĕн директорĕнче ĕçлет.

Раççей биатлонĕн шанчăкĕ, Чăваш Ен мухтавĕ Татьяна Акимова пысăк спорта таврăннă. Вăл Тюмень хулинче çак кунсенче иртекен çуллахи биатлон чемпионатне хутшăнать. Чăваш Ен Спорт министерствинче çак йĕркесен авторĕ уçăмлатнă тăрăх, пирĕн тăрăхран унта урăх пĕр спортсмен та хутшăнмасть.

Коронавируспа çыхăннă лару-тăру республикăра паян йĕркеллĕ. Çапла палăртрĕç авăн уйăхĕн 18-мĕшĕнче ЧР Правительство çуртĕнче иртнĕ коронавирус инфекцийĕ сарăлассине сирес енĕпе йĕркеленĕ оперштабăн черетлĕ ларăвĕнче. Ăна ЧР Пуçлăхĕн тивĕçĕсене вăхăтлăх пурнăçлакан Олег Николаев ертсе пычĕ.