Archive - Утă 2014 - Хыпар

Ачаллă граждансене тÿлекен пособисен, вĕренекен çамрăксене паракан стипендисен виçи темле пысăк тееймĕн, анчах нумайăшĕшĕн çак укçа та - лайăх тĕрев. Апла тăк ăна вăхăтра тата туллин тÿлени пысăк пĕлтерĕшлĕ. Шел, хăш-пĕр çĕрте тÿлесшĕн мар - çакна республика прокуратури ирттернĕ тĕрĕслевсем çирĕплетеççĕ.

Шупашкар епархийĕн, Чăваш митрополийĕн, Вырăс православи чиркĕвĕн /Мускав патриархачĕн/ Çветтуй Михаил архангел ячĕллĕ тĕн училищи Чăваш Ен тата Раççей гражданĕсене 2014-2015 вĕренÿ çулĕнче /малашлăхра дистанци мелĕпе пĕлÿ илес тĕллевпе/ православи тĕнĕн пастор вĕренĕвĕн куçăмлă уйрăмне тата куçăмсăр секторне йышăнать.

«Ĕмĕр çав тери кĕске пулнине çын аллă урлă каçсан тин ăнланса илет çав. Çамрăкрах, вăй питти чухне кашни савăк самантпа, кашни кунпа киленсе юлма тăрăшмалла. Чунтан савнă, юратнă çынна - турă пÿрнине - упрамалла»,- чунне уçать Патăрьел районĕнчи Аслă Арапуç ялĕнче пурăнакан Нина Матвеева.

Вăхăт чупнине хÿме тытса чараймăн, малаллах ыткăнать вăл. Тин çеç кăçал ытти çултинчен раснарах - хĕвеллĕрех те ăшăрах - килнĕ çу уйăхĕ пуçланнăччĕ. Халĕ ав çумăрлăрах та сивĕрех çĕртме те хыçа юлчĕ. Этем те хăйĕн ĕмĕрĕнче ялан васкать. Хыпкаланать, вĕткеленет, пĕтĕрĕнет, çаврăнать.

Турри мана телей панă, анчах нумайлăха мар. «Телей пĕр вĕçĕм тăсăлмасть»,- тени тĕрĕсех пулĕ çав.

Вăрнар районĕнчи Ярмушка ял тăрăхĕнче Ял уявĕ иртнĕ. Ăна çулсеренех сумлăн йĕркелеççĕ. Кăçал çĕнĕ сцена çине сĕтелсемпе саксем лартнă. Кушар Юнтапа культура çурчĕ умне тĕрлĕ тĕслĕ ялавсемпе, хăмпăсемпе илемлетнĕ. Хăнасем алă ĕçĕсен, сăн ÿкерчĕксен куравĕсемпе хаваспах паллашнă.

В номере.

Указ Главы Чувашской Республики от 30 июня 2014 года № 95 "О внесении изменений в Указ Президента Чувашской Республики от 29 января 2002 г. № 33".

Указ Главы Чувашской Республики от 1 июля 2014 года № 96 "О награждении государственными наградами Чувашской Республики".

Мексикăри Канкун хулинче спо­рт аэробики енĕпе иртнĕ тĕнче чемпионатĕнчен пирĕн ентеш ылтăн медальпе таврăннă.

Кĕçнерни кун Çĕрпÿ хулинче Тихвин ярмăркки уçăлнă. Çулленех вăл хĕрарăмсен Тихвин мăнастирĕ çумĕнчи лапамра республикăра пурăнакансене кăна мар, кÿршĕ регионсенчен килекен хăнасене те пухать.