Кăçал Чăваш Енре виçĕ вырăнта газ заправки çĕклесшĕн. Çак тĕллев валли субсиди те уйăрĕç.
Вĕсенчен пĕри - "Атăл" М-7 трасса çинче Куславкка районĕнче, тепри - "Вятка" автоçул çинче Шупашкар районĕнче, виççĕмĕшĕ Шупашкарта пулмалла.
Чăваш Енри лавккасенче çÿлĕксем пушă мар, куллен кирлĕ апат-çимĕç çителĕклех. Хаксем те ÿсмен.
Çакна "Хыпар" издательство çурчĕн фотожурналисчĕ Василий Кузьмин влаçрисемпе пĕрле çуресе паян хăй куçĕпе курса ĕненнĕ. Вăл Шупашкарти Митов бульварĕнчи "Магнит" магазинта тата Муркаш районĕнчи Шомик ялĕнче Чăвашпотребсоюз лавккинче пулнă.
Шупашкарти аслă шкулсем дистанци мелĕпе вĕрентеççĕ. Вăхăтлăх мерăна тĕнчере, вăл шутра Раççейре те, алхасакан коронавируса пула йышăннă. Чăваш Енре паянхи кун тĕлне ку чирпе аптăракан çук.
Пĕтĕм Раççейри «Манăн музей» конкурса пĕтĕмлетнĕ. Ăмăртăва Пĕтĕм Раççейри электрон публикацисен проекчĕн пуçарăвĕпе йĕркеленĕ.
Паян "Шупашкар-арена" пăр керменте самбо енĕпе çĕршыв чемпионачĕ пуçланчĕ. Чăваш Ене 60 регионтан 625 спортсмен килсе çитнĕ. Виçĕ кунра вĕсем медальсен 25 комплектне çĕнсе илессишĕн тупăшаççĕ.
Чăвашла верси
Русская версия
