Новости по теме

Çурла уйăхĕн 20-21-мĕшĕсенче Чăваш Енри вĕрентӳ ĕçченĕсен республика конференцийĕ ĕçлерĕ.

Малтанах вĕрентӳ организацийĕсен никĕсĕ çинче 32 секци лапамĕ йĕркелерĕç. Кăçал ăна, пурте пĕлекен сăлтава пула, онлайн майпа ирттерчĕç. Унта хутшăннисем воспитанипе вĕрентӳ ĕçĕнчи ĕç опычĕпе паллаштарчĕç, ачасене тата çамрăксене патриотизм ĕçĕсемпе кăсăклантарассипе çыхăннă самантсене аса илчĕç. Çавăн пекех воспитани енĕпе класс ертӳçисем умĕнче тăракан тĕллевсене сӳтсе яврĕç.

ЧР Пуçлăхĕн тивĕçĕсене вăхăтлăх пурнăçлакан Олег Николаев çурлан 12-мĕшĕнче инвестици тата предпринимательсен хастарлăхне аталантарас, бизнес-пĕрлĕх представителĕсен прависене хÿтĕлес тĕлĕшпе ĕçлекен координаци канашне туса хурасси çинчен хушу кăларнăччĕ.

Патăрьел районĕнчи Кивĕ Ахпӳртре пурăнакан Владимир Павлов çемйи 30 лаша тытать. Пĕр-икĕ çултан вĕсен йышне 50 пуçа çитересшĕн.

Владимир Николаевич урхамаха ачаранах юратнă. 4-мĕш класра вĕреннĕ чухнех колхозăн лаша витине çӳренĕ. Районти Акатуй-Сабантуйра утсем ăмăртнине курма юратнă. Ӳссе çитсен хăй те çак ăмăртăва хутшăнма ĕмĕтленнĕ. Чăн та, ĕмĕтне пурнăçланă вăл. Халĕ Хусанта, Шупашкарта иртекен ăмăртусене хутшăнать, вĕсенчен парнесемпе таврăнать.

Грознăй хулинче йывăр атлетикăпа Раççей чемпионачĕ иртнĕ. Унта Етĕрне районĕн хĕрĕ Александра Козлова 59 килограмран сахалрах таякан хĕрарăмсен виçинче абсолютлă чемпион ята тивĕçнĕ.

Шупашкарти Валериан Соколов ячĕллĕ спорт шкулĕнче хатĕрленекен, Раççейĕн тава тивĕçлĕ тренерĕ Геннадий Иванов патĕнче ăсталăхне туптакан Александра 92 килограмм çĕкленĕ, иккĕмĕш хăнăхтарура вара — 108 килограмм. Пĕтĕмĕшле вăл çĕкленĕ йывăрăш 200 килогрампа танлашать.